Situata pandemike ka detyruar autoritetet përktëse në Gjermani,, Itali dhe Greqi të rishikojnë masat kufizuese. Gjermania ka mbyllur kufijtë për disa shtete Greqia ka shtyrë mbylljen e shkollave, ndërsa Italia nga 31 Janari pritet të heqë zonat e kuqe.
Qeveria gjermane ka rënë dakord për futjen e kufizimeve të pashembullta dhe drastike të udhëtimit duke ndaluar udhëtarët nga Mbretëria e Bashkuar, Portugalia dhe Irlanda të hyjnë në Gjermani, në një përpjekje për të luftuar përhapjen e varianteve shumë ngjitëse të koronavirusit. Udhëtarët nga Brazili dhe Afrika e Jugut janë ndaluar të udhëtojnë gjithashtu në Gjermani, deri më 17 shkurt. Ndalimi përfshin rrugët ajrore, trenat, autobusët dhe anijet. Masat e jashtëzakonshme do të hyjnë në fuqi që nga e shtuna. Shtetet e BE kishin rënë dakord mbi masat e përbashkëta për të luftuar përhapjen e variantit më infektues, por Gjermania, e vendosur në qendër të Evropës në kufi me nëntë vende, këmbënguli se ato nuk shkuan siç duhet.
Duke nisur nga 31 janari, Italia nuk do ketë asnjë zonë të kuqe. Vendimi është marrë nga Dhoma e Kontrollit të Shëndetit publik italian dhe pret vetëm miratimin e Ministrit të Shëndetësisë, Roberto Speranza, i cili do të nënshkruajë në të njëjtën ditë. Sipas asaj që mësohet nga burimet e ministrisë, urdhëresat e reja do të hyjnë në fuqi duke filluar nga e diela e 31 janarit. Mediat e vendit fqinj bëjmë me dije se rajonet si Puglia, Sardegna, Sicilia, Umbria e Bolzano do të jenë zona të portokalli, pra me rrezik më të lartë infektimi.
Ndërsa të gjitha rajonet e tjera do të jenë zona të verdha. Lombardia një nga rajonet më të goditura nga pandemia tashmë do të kalojë zonë e verdhë, pra me rrezik të ulët infektimi. Pra duke nisur nga data 31 janar, në Itali do lejohet hapja e restoranteve.
Greqia raportohet se do të mbyllë dyqanet të shtunën, më pak se dy javë pasi ka lejuar rihapjen e tyre, dhe ka shtyrë pa afat planet për rihapje të shkollave të mesme, pas rritjes së numrit të të infektuarve me koronavirus.
“Përhapja horizontale e infektimeve në zonat më të populluara në këtë shtet përbën shqetësim”, ka thënë Vana Papaevangelou, anëtare e komitetit të ekspertëve që këshillojnë qeverinë, në një konferencë për media të premten.“Ne nuk duam të përballemi me rritje të madhe të infektimeve dhe me ndikimin që do ta kishte kjo gjë në sistemin tonë publik shëndetësor”.
Ajo ka thënë se vëmendja e epidemiologëve është bartur nga veriu i Greqisë në qendrës të Athinës, “ku ka rritje të qartë të rasteve të infektimit në shumicën e lagjeve”.
Më 18 janar të këtij viti, Greqia pati marrë vendim për lehtësim të masave të izolimit të dytë.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
