Shkrimtarja shqiptare Ismete Selamanaj Leba e cila prej vitesh jeton në Itali ka rrëmbyer një tjetër çmim të rëndësishëm në “Konkursin Ndërkombëtar të Letërsisë Italo-Rumune”.
“Historia ime e shkurtër “Tutto, tranne il piacere” (Gjithçka, përveç kënaqësisë), vendi i dytë në Edicionin e I-rë të Konkursit Ndërkombëtar të Letërsisë Italo-Rumune”, shkruan shkrimtarja Selmanaj.
Autorja shqiptare Ismete Selamanaj Leba është vlerësuar me disa cmime në vitin 2020, përmendim çmimin “Ndërkombëtar për Paqen 2020”, si dhe me çmimin e tretë në ndarjen e çmimeve ndërkombëtare të “Inventa un Film”, festivali më i rëndësishëm mbi filmat me metrazh të shkurtër në Itali.
Lexo edhe: Romani i Ismete Selmanaj Lebës vlerësohet me çmimin Ndërkombëtar për Paqen 2020
Ismete Selmanaj Leba ka lindur në Durrës në vitin 1966. Mbaron shkollën e mesme në Durrës, në gjimnazin “Naim Frashëri”, dhe më pas studimet e larta në Universitetin e Tiranës, në Fakultetin e Inxhinierisë së Ndërtimit, ku dhe u diplomua në vitin 1991. Prej vitit 1992 jeton në Itali. Veprat e saj “Bambini non hanno mai colpe”, “Verginità Rapite” janë vlerësuar me çmime ndërkombëtare.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
