Bashkatdhetarët krenohen gjithmonë me arritjet e saj në vendin fqinj, Italinë.

Shkrimtarja Ismete Selmanaj Leba është vlerësuar me çmim Ndërkombëtarë për Paqen 2020, “International Books For Peace Award, 2020”.

Ky çmim i kushtohet njerëzve që punojnë me përulësi dhe këmbëngulje për paqen midis popujve.

“Ndihem e nderuar dhe e vlerësuar që kam marrë vendin e parë për romanin tim “Dy herë të huaj”. Faleminderit Jurisë për këtë njohje të madhe! Këtë çmim ua kushtoj atyre që janë të detyruar të lënë vendin e tyre për të shkuar diku tjetër dhe të bëhen një herë “i huaj” në një vend tjetër, por edhe një “i huaj” tani edhe në atdheun e tyre kur kthehen atje. Në këtë roman, brigjet e Italisë, vendit tim të adoptuar dhe të Shqipërisë, vendit tim të lindjes, bashkohen së bashku si në një urë që, me gjithë vështirësitë, lidh popujt dhe na mëson se “e gjithë bota është një vend””, shkruan shkrimtarja shqiptare në rrjetin social Facebook.

*Ndalohet kopjimi, riprodhimi dhe publikimi i materialit pa cituar burimin “Diaspora Shqiptare”.