Akademia e Shkencave e Shqipërisë me rastin e 553-vjetorit të vdekjes së Gjergj Kastriotit-Skënderbeu, “Heroit tonë Kombëtar”, ka njoftuar se i ka kushtuar një numër special të revistës “STUDIA ALBANICA”, me punimet shkencore të paraqitura në Konferencën Shkencore Ndërkombëtare të organizuar në kuadër të 550-vjetorit të ndarjes së tij nga jeta.

Autorët më të rëndësishëm shqiptarë dhe të huaj në fushën e historisë dhe jo vetëm ata, kanë sjellë prurjet e tyre studimore më të fundit në ndriçimin e mëtejshëm të periudhës së rezistencës antiosmane të Skënderbeut, të asaj kohe të lavdishme kur u forcua uniteti dhe identiteti kombëtar i shqiptarëve si pjesë integrale dhe e natyrshme e kontinentit europian. Kjo përmbledhje studimesh do të jetë së shpejti në duart e lexuesve shqiptarë.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.