Mjeku shqiptar që punon në Itali, Albert Troci u vaksinua një javë më parë dhe sot për “Shqipëria live” tregoi se nuk ka patur asnjë shqetësim, si dhe shpjegoi procedurën për marrjen e dozës së dytë të vaksinës.

“Ka kaluar një javë që kam bërë dozën e parë të vaksinës. Pas 21-ditësh do të bëj dozën e dytë e kështu do të kem 92 për qind imunitet ndaj COVID. Në momentin që bëhet vaksina, doza e parë, lihet data tjetër dhe merr letrën për takimin e dytë. Doza e dytë bëhet te krahu tjetër, jo aty ku ke bërë të parën”, tha mjeku.

Lexo edhe: Mjeku shqiptar në Itali: Pas injektimit, pata efektet normale të një vaksine

I pyetur nëse ka patur shqetësime pas bërjes së vaksinës, mjeku tha se nuk ka patur asnjë efekt negativ”. “Nuk kam patur ndonjë shqetësim, vaksina është ilaç dhe çdo ilaç ka ndonjë efekt të kontrollueshëm”, tha Troci.

Mjeku i njohur shtoi se mbrojtja nga vaksina anti-Covid vjen 30 ditë pasi është marrë doza e vaksinës.

 Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.