Komisioni Qendror i Zgjedhjeve në Kosovë bën të ditur se do të verifikojë procesin e aplikimit për regjistrim të gjithë votuesit jashtë vendit, duke i kontaktuar ata përmes telefonit.

Ka qenë një vendim i fundit i KQZ së Kosovës për zgjedhjet e parakohshme të 14 shkurtit.

“Komisioni Qendror i Zgjedhjeve do të konfirmojë të gjithë personat që aplikojnë për t’u regjistruar si votues jashtë vendit. Periudha për regjistrimin e votuesve jashtë vendit do të fillojë në datë 13 janar dhe do të përfundojë në 21 janar (ora 18:00)” thuhet në vendimi e publikuar nga KQZ e Kosovës.

Në vendim thuhet se nga një e-mail adrese, aplikuesi mund të aplikojë për vete dhe për rrethin e ngushtë familjar, që kanë të njëjtin mbiemër.

Në formularët e aplikimit për regjistrim aplikuesi duhet të shënojë vetëm numrin e tij të telefonit dhe jo të ndonjë familjari.

Do të jetë KQZ ajo që do të verifikojë procesin e aplikimit për regjistrim duke i kontaktuar të gjithë aplikuesit përmes telefonit.

Vendimi që hyn në fuqi ditën e nënshkrimit thotë se nëse aplikuesi nuk lajmërohet me telefon, atëherë aplikimi i tij do të refuzohet.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.