Me vendim të ministrisë së Arsimit në Greqi, fëmijët do të rikthehen në bankat e shkollës pas 2 muajsh mësim nga shtëpia.

Ditën e hënë më datë 11 janar do të hapen shkollat fillore dhe kopshtet.

Rikthimi do bëhet me orar ciklik, duke arritur sipas klasave në orar të ndryshëm, ndërsa do përdoren ku është e mundshme, të gjitha hyrjet e shkollës.

Një platformë elektronike është në dispozicion të mësuesve të të gjitha niveleve arsimore si dhe të nxënësve të gjimnazit dhe liceut, ku mund të kërkojnë me të dhënat e tyre testim falas si dhe të hyjnë në listën e vaksinimit.

Qeveria greke në bashkpunim me epidimiologët po diskuton hapjen e shkollave 9-vjeçare dhe të mesme brenda janarit, ndërsa nuk ka asnjë shenjë akoma për rikthimin e studentëve në auditoret e vendit.

“Kushtet aktuale na lejojnë që gradualisht të fillojmë hapjen e shkollave tona në bazë të rekomandimeve të ekspertëve,” deklaroi dy ditë më parë Ministrja greke e Arsimit, Niki Kerameus.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.