Mjekja shqiptare, Erseida Arra, jeton dhe ushtron profesionin e saj në Milano të Italisë. Në një lidhje të drejtpërdrejtënë Tv Klan, Erseida flet rreth situatës së pandemisë dhe masave të marra në vendin fqinj.

“Situata më e rëndë në krahasim me dhjetorin, lirimi i masave ka shtuar rastet e të infektuave. Ne deri në datë 23 ishim zonë portokalli, nga data 24 dhjetor deri më 7 janar jemi zonë e kuqe, ndaj jemi ende zonë e mbyllur, janë hapur vetëm bizneset e nevojshëm”, tregon doktoreshë Arra.

Numri i personave që rezultojnë pozitiv është rritur ndjeshëm këto ditë. “Pas festave të fundvitit, situata e të infektuarve në Itali është rënduar. Statistikat para festave tregonin për vetëm 8% të rasteve pozitiv ndaj koronavirusit, kurse në fillim të muajit Janar, shifrat kanë shkuar në 17%. Kjo gjë ka sjellë dhe nje rritje të pacientëve të shtruar në spitale. Vaksinimi po ecën me ritme normale, ku deri tani janë vaksinuar rreth 85 mijë njerëz, shumica e të cilëve janë personel shendetësor.”- tregon mjekja shqiptare.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.