Shoqata atdhetare “Dibra” në Nju Jork ka dhuruar 100 tableta për nxënësit në  shkollën fillore “Said Najdeni” në Dibër të Madhe, të cilët po mësojnë në kushtet e reja për shkak të koronavirusit.

Lajmin e ka bërë të ditur në rrjetet sociale Drejtori i kësaj shkolle, Burim Kaziu, i cili , ka shprehur falënderim për Shoqatën Atdhetare Dibra, për ndihmën e ofruar në këtë kohë të rëndë pandemie.

“Shfrytëzojmë rastin ta falënderojmë Shoqatën Atdhetare Dibra, dhe komunitetin dibran në SHBA, që gjithmonë na kanë përkrahur dhe na kanë ndihmuar qytetareve dibran dhe të rrethinës. “Tani sapo siguruan donacion prej 100 Tabletësh kualitativ për këta nxënës. Edhe pse donacioni për blerjen e 100 Tabletëve ishte i siguruar që në fillim të vitit shkollor i njejti u vonua për shkak të mungesës së Tabletëve nëpër dyqanet përkatëse në Maqedoni dhe në rajon. Falënderojmë këtë shoqatë dhe kryetarin e saj Dashnor ( Dashi) Miftari, bashkë me Bordin drejtues. Duke u shprehë mirënjohje dhe falenderim pafund për këtë donacion shumë të vyeshëm për nxënësit tanë në këtë kohë pandemie, dhe, mbetemi me shpresë se ky humanizëm do të vazhdojë, por mirëpresim ndihmën edhe nga donatorë të tjerë në formë të organizuar apo nga individë të cilët do të shprehin gadishmërinë për të ndihmuar shkollën në të ardhmen”, thotë Kaziu në shkrimin e tij.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group