Shoqata Shqiptaro Amerikane e Masaçusets “BESA” nëpërmjet fondeve të mbledhura nga donatorë të ndryshëm ka arritur të sigurojë 3 karrige me rrota, të cilat janë nisur për në Shqipëri për t’i ardhur në ndihmë personave me aftësi të kufizuara.

“Duam tju njoftojmë se falë ndihmës së donatërëve kemi arritur të blejmë 3 karrige me rrota dhe u dërguan sot për Shqipëri. Do ju njoftojmë sërish kur karrocat të dorëzohen në destinacion. Kontributi juaj i vogël po bën një ndikim të madh në jetën e këtyre individëve”, shkruhet në njoftimin e shoqatës.

Shoqata Shqiptaro Amerikane e Masaçusets “BESA” është një organizatë e pavarur dhe jo-fitimprurëse e përkushtuar në promovimin e mirëqenies dhe përparimit të komunitetit shqiptaro-amerikan të Massachusetts.