Bebe Rexha ishte ndër të partë artistë që pas tërmetit të 26 nëntorit të 2019 nga Amerika erdhi në Shqipëri për t’i ardhur në ndihmë të prekurve nga tërmeti.
Këngëtarja erdhi në Bubq ku takoi të gjithë banorët, shtëpia e të cilëve ishte shkatërruar nga tërmeti.
Bebe premtoi se ajo vetë bashkë me të gjithë ata që do të kontribonin do të ndërtonin shtëpi të re nga e para.
Këngëtarja e ka mbajtur premtimin dhe sot me anë të një postimi në rrjetet sociale ka bërë me dije se shtëpia e parë është gati.
Ajo ka publikuar një video me kujtimet e vitit të shkuar dhe një tjetër në të cilën shihet familja nga Bubqi duke hyrë në banesën e re.
“Shtëpia 1 është bërë! Faleminderit të gjithëve që dhuruan për mbledhjen e fondeve tërmetit në Shqipëri! Faleminderit Monika Kryemadhi për ndihmën për ta bërë të mundur këtë! Një pamje kaq e bukur për tu parë. Vetëm në kohë për pushime !!! Dashuri për familjen Bubq! Asgjë nuk më përmbush më shumë,” shkruan Bebe në postimin e saj.
Këngëtarja me famë botërore, Bebe Rexha, ka treguar gjithmonë mbeshtetje ndaj njerezve ne nevoje. Së fundmi ajo ka premtuar se disa prej ndjekësve të saj do ju paguajë faturat e Krishtlindjes, për t’ju lehtësuar shpenzimet në këto kohë festash.
Në ndryshim nga personazhet e tjerë që zhvillojnë “giveaway”, Bebe ka vendosur t’ju vijë në ndihmë në këtë formë personave që e vlerësojnë.
“Dua të paguaj disa nga faturat tuaja për Krishtlindje. Vendosni emrin tuaj dhe vlerën e faturës këtu. Unë do t’ju kontaktoj dhe ju do më tregoni faturën”, ka shkruar Bebe në një postim.
Këngëtarja ju është gjendur gjithmonë pranë fansave të saj në mënyra nga më të ndryshmet. Nuk duhet të harrojmë se vitin e shkuar, Bebe erdhi enkas nga Amerika për të ndihmuar familjet nga tërmeti i 26 nëntorit. Ajo vizitoi fshatin Bubq dhe me të ardhurat e saj ndërtoi shtëpinë e një familjeje, që ishte shkatërruar plotësisht nga tërmeti i fuqishëm.
