Endri Çekiçi është një ndër lojtarët më të mirë shqiptarë. Futbollisti i Kombëtares shqiptare, ai prej disa muajsh ka bërë një hap të madh në karrierën e tij, duke u transferuar nga rradhët e skuadrës sllovene të Olimpija Ljublanës te skuadra turke e Ankaraguxhu.
Endri Çekiçi po kalon një formë të shkëlqyer në Turqi, aty ku luan për skuadrën e Ankaraguxhu. Mesfushori pogradecar ka qenë protagonist ditën e sotme, në fitoren e skuadrës së tij ndaj Hatajspor me rezultatin 2-0. Talenti i Kombëtares dha asistin në minutën e 69’, në golin e parë të ndeshjes të shënuar nga kroati Zvonimir Sarlija.
Në këtë mënyrë Çekiçi tregon edhe njëherë se ka gjetur formën e mirë dhe është përshtatur shpejt në kampionatin turk, ku kaloi në orët e fundit të merkatos së verës. Nga shitja e 23-vjeçarit shqiptar, Olimpja, përfitoi afro 200 mijë euro. Talenti i Kombëtares, e shikon kampionatin turk si një trampolinë, për të arritur në elitën e futbollit europian në një të ardhme jo shumë të largët.
