Mimoza Rraci është një piktore e re, e cila përmes talentit dhe kreativitetit arrin të përçojë pozitivitet dhe emocion me artin e saj.
Periudhën e karantinës ajo e shfrytëzoi për t’i dhënë jetë shumë veprave të saj, të cilat janë pëlqyer mjaft. Artistja e re Mimoza Rraci po e mbyll vitin 2020 me një sukses në karrierë, pasi arti saj ka arritur ti thyej kufijtë.
Artistja e re kosovare ka realizuar ditë më parë një vepër artistike, në të cilën shfaqet një mjeke që në maskën e saj ka flamurin e Kosovës.
“Time” ka publikuar një artikull të gjatë “Guardians of the year” (Kujdestarët e vitit), i cili flet për punën e punonjësve shëndetësorë gjatë pandemisë dhe kontributin e tyre të çmuar në këtë kohë.
Në mesin e fotografive ilusturse të stafit shëndetësorë gjatë pandemisë, është edhe piktura e Mimoza Racit.
Artistja është mahnitur nga kjo arritje. “Këtë nuk e prisja. “Time” një prej gazetave më të famshme në botë ka postuar punën time për t’i falenderuar “Guardians of the year”!”, ka shkruar Rraci.
Para pak ditësh Piktura e artistes kosovare u bë gjithashtu poster në Tajlandë.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.