Bllokim total 5-javor ka vendosur Holanda në përpjekje për të frenuar përhapjen e koronavirusit.

Vendimi hyn në fuqi që nga e marta, ku do të mbyllen të gjitha dyqanet me shërbime jothelbësore, shkollat, muzetë, palestrat e parukeritë.

Ka qenë vetë kryeministri holandez Mark Rutte që ka bërë të ditur masat që do të qëndrojnë në fuqi deri më 18 janar.

“Ne e kuptojmë se sa intensiv është ky njoftim, sigurisht pak para Krishtlindjeve,” tha Rutte, duke shtuar se “2020 është një vit zi, humbjeje dhe hidhërimi për shumë njerëz.”

Njerëzit do të duhet të qëndrojnë në shtëpi sa më shumë të jetë e mundur dhe të shmangin vizitorët. Nuk lejohen më shumë se të ftuar, ku vetëm për Krishtlindje lejohen tre.

“Nevoja për të qenë së bashku rreth pemës së Krishtlindjes, veçanërisht pas këtij viti, është më e madhe se kurrë”, tha Rutte. “Kjo është arsyeja pse unë do të doja t’ju kërkoja të mbani nën vëzhgim njerëzit që po kalojnë një kohë të vështirë.”

Gjithashtu do të qëndrojnë të mbyllura shkollat që nga cikli fillor e deri në universitet dhe mësimi do të zhvillohet në internet. Të mbyllura do të jenë dhe qendrat e kujdesit ditor por të hapura do të jenë vetëm për prindërit që punojnë në profesione të rëndësishme.

Dyert do ti mbyllin dhe bibliotekat, pishinat dhe kopshtet zoologjike ndërsa dentistët dhe profesionistë të tjerë mjekësorë mund të vazhdojnë të punojnë.

Kryeministri Rutte u shpreh se bllokimi i gjerë është i nevojshëm për të frenuar numrin në rritje të rasteve të koronavirusit dhe ndikimin në sektorin e shëndetit.

Numri i testeve pozitive të koronavirusit është rritur në mënyrë të vazhdueshme në Holandë, duke arritur pothuajse 10,000 të dielën. Shifrat e spitalit dhe vdekjet gjithashtu kanë filluar të rriten përsëri me 105 pacientë të pranuar në spital të hënën.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.