Grupi i punës për votën e Diasporës i ngritur në Komisionin Qendror të Zgjedhjeve ka vijuar takimet me grupet e interesit, pjesë e së cilës ishte dhe Këshilli Koordinues për Diasporën.
Kreu i KQZ-së, Ilirjan Celibashi informoi të pranishmit me ecurinë e punës dhe se synon që rregullat dhe protokollet për votimin nga jashtë të miratohen dhe të jenë të gatshme deri në fund të këtij muaji.
KKD si dhe palët e tjera të interesit nga Diaspora që ishin prezente në këtë takim u informuam se deri tani KQZ-ja ka qenë në konsultime me palë të ndryshme interesi si dhe me OSBE-në rreth metodave të votimit.
“Të gjitha rekomandimet e marra do të shqyrtohen nga grupi i punës dhe do t’i vihen në dispozicion Rregullatorit i cili do të mirret me përpilimin e rregullave të detajuara rreth votimit nga jashtë”, shkruan në një postim në facebook Brikena Muharremi, përfaqësuese e KKD-së në takimet e grupit të punës në Komisionin Qendror të Zgjedhjeve.
Kushti i parë për votuar nga jashtë është deklarimi i adresës së banimit për shtetasit shqiptarë që jetojnë jashtë Shqipërisë. Ky proces është i ndarë nga procesi i regjistrimit për votim i cili do të publikohet pasi të miratohet dhe më afër zgjedhjeve.
Procesi i deklarimit të adresës duhet të bëhet në portalin e-Albania përmes këtij linku:
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
