Këngëtarja shqiptare, Loredana Zefi ka dhuruar 100 mijë euro mbrëmjen e djeshme në një event bamirësie në Gjermani.
Mbrëmjen e djeshme në Gjermani është mbajtur eventi bamirësisë “Ein Herz für Kinder” (Një zemër për fëmijët) dhe kanë marrë pjesë persona të njohur të cilët kanë dhuruar shuma të ndryshme për t’u ardhur në ndihmë fëmijëve në nevojë.
Por ajo që ka bërë më shumë bujë në këtë event ka qenë shuma që ka dhuruar reperja shqiptare Loredana Zefi për fëmijët në nevojë, plot 100 mijë euro.
Teksa ka thënë se do të dhurojë 100 mijë euro ajo ka mbajtur edhe një fjalim prekës.
“Unë kam një vajzë që së shpejti do të bëhet 2 vjeçe. Unë kam parë se si ajo ecën, si flet. Për mua si nënë është shumë e rëndësishme që edhe nënat e tjera të provojnë këtë lumturi. Të dhurojë 2 mijë euro nuk është e mjaftueshme për mua, unë fitoj pak më shumë. Do të dhurojë 100 mijë euro”, tha këngëtarja.
Bëhet me dije se eurot që do të mbidhen do të shkojë për të ndërtuar shkolla, kopshte, financimin e operacioneve të vështira për fëmijët, ndihma në zonat e prekura nga katastrofat natyrore etj..
