Në Kopenhagen të Danimarkës është festuar me një koncert modest, duke respektuar rregullat anti-COVID Festa e Flamurit. Artistët shqiptarë kanë performuar dhe kanë ndezur atmosferën kuq e zi për të pranishmit.

Edhe pse në kushte të vështira organizatori Ibrahim Xhemajli, i cili për të disatin vit rradhazi organizon këtë event  tregon se nuk mund të mos organizonin një ceremoni modeste edhe këtë vit. Ai tregon se nuk lodhet kurrë për të kremtuar festat e nëntorit dhe dëshira e tij është që kjo traditë të vazhdojë edhe për brezat e rinj.

“E kemi obligim, duhet t’i japim një shembull gjeneratave të ardhshme dhe shpresoj që të gjithë të jenë kënaqur. Këtë vit kaq ishte mundësia për shkak të pandemisë, por besoj se ccdo gjë ka shkuar mjaft mirë”, shprehet Xhemajli për gazetarin Adnan Aliti.

Me rastin e Festës së 28 Nëntorit, pas programit festiv, nga komuniteti shqiptar në Danimarkë ju nda një mirënjohje dhe disa dhurata regjisorit Ixhet Lutfiu, autorit të filmit “Rrënjët Shqiptare-Dheu Danez”. Filmi është një përmbledhje e jetës dhe bashkjetesës së shqiptarëve në Danimarkë.