Papa Françesku ka treguar në çdo moment mbështetjen ndaj emigranteve, qëndrim të cilin e ka përforcuar edhe në librin e tij më të fundit të botuar ditën e djeshme “Le të ëndërrojmë”
Për Atin e shenjtë nuk përbën problem kërcënim për krishtërimin, duke qenë një mbrojtës i fortë i të drejtave të refugjatëve.
“Emigrimi nuk përbën kërcënim për krishtërimin, përveçse në mendjet e atyre që përfitojnë nga pretendimi se është”, thotë Papa.
Për kreun e Vatikanit të refuzosh emigrimin për shkak të besimit fetar është keqpërfaqësim i krishterë.
“Të refuzosh një emigrant në luftë, pavarësisht nga besimi i tij fetar, nga frika e dobësimit të një kulture të krishterë, është keqpërfaqësim i krishterimit dhe kulturës. Të promovosh Ungjillin dhe të mos i mirëpresësh të huajt në nevojë, as të afirmosh njerëzimin e tyre si fëmijë të Zotit, do të thotë të kërkosh të inkurajosh një kulturë që është e krishterë vetëm në emër, e zbrazur nga gjithçka që e bën atë të veçantë”, shprehet Papa.
Libri i tij “Le të ëndërrojmë” është shkruar në bisedë me biografin britanik Austern Ivereigh. Vetë Ati i Shenjtë është nip i emigrantëve italianë që u vendosën në Argjentinë. Ai shpreh shpesh solidaritet me emigrantët që kalojnë Mesdheun e duke shprehur keqardhje e lutjet e tij për ata që humbin jetën. Papa nuk heziton të denoncojë dhe vendet e pasura që nuk i mirëpresin.
