Më 11 nëntor boksieri shqiptar Florian Marku mundi kundërshtarin e tij anglez, Muma Muemba në vetëm 1 minutë e 50 sekonda, duke vijuar me rezultate pozitive pas një pauze afro 2-vjeçare.
Duke folur për “Mirror”, Florian Marku thotë se janë pikërisht shqiptarët motivi që ai të ecë para dhe vetëm të fitojë.
Lexo edhe- Florian Marku i jashtëzakonshëm, mund kundërshtarin për 1 minutë e 50 sekonda
“Ata më duan sepse shohin se unë jap zemrën time kur shkoj në ring. Kur jam atje, nuk mendoj të humbas. Mendja ime është 100% për fitore. Tifozët shqiptarë më njohin, u rritën duke parë ndeshjet e mia dhe si eca më tej”, rrëfen ai për Mirror.
Marku thotë se është patriot, është krenar që është shqiptar dhe flamurin kombëtar e merr me vete në çdo ndeshje.
Marku u zhvendos në Greqi gjatë trazirave të 1997 në Shqipëri. Atje ai nisi karrierën e tij të gjatë.