Këngëtarja shqiptare Dua Lipa i është bashkuar listës së ambasadorëve të markës së famshme të Puma-s.
Ditën e sotme, marka njoftoi se ylli i popit është fytyra e re për veshjet e femrave. “Ne jemi të entuziazmuar të mirëpresim Dua-n në familjen tonë,” tha Adam Petrick. “Ne u tërhoqëm nga krijimtaria e saj, pasioni… Por më e rëndësishmja, ne u prekëm nga pasioni i saj për barazi gjinore. Ne mendojmë se ajo mishëron atë që konsumatori i sotëm po kërkon”.
Dua i bashkohet kështu të famshmëve të tjerë si Rihanna, Selena Gomez dhe Kylie Jenner, të cilat gjithashtu kanë nënshkruar për të qenë ambasadorë të Puma-s ndër vite.
Artistja me origjinë shqiptare gjithashtu e ndau vetë lajmin me fansat e saj në rrjetet sociale, ku shkroi se është shumë e lumtur rreth kësaj eksperience të re.
“Jam shumë e lumtur të njoftojë se unë i jam bashkuar familjes @puma si ambasadorja e tyre e re!!! Mezi po pres që ju të shihni se çfarë kemi përgatitur për ju”.
Dua Lipa tashmë renditet si një nga figurat kryesore në tregun ndërkombëtar.
Më 27 nëntor pritet të publikohet bashkëpunimi i shumëpritur mes saj me Miley Cyrus, i titulluar “Prisoner”, po më 27 nëntor do të mbajë edhe koncertin e saj virtual “STUDIO 2054”.
