Bebe Rexha gjatë mbrëmjes së djeshme në “People’s Choice Awards 2020”, u shfaq mjaft entuziaste dhe nuk nguroi të tregoi se ka nisur xhirimet për projektin e saj më të ri.
“Kam xhirime këtë javë”, zbuloi Beba Rexha. “Kështu që Kristen Bell dhe Vince Vaughn, shpresoj se nuk do e dreqos”, vazhdoi këngëtarja duke qeshur. “Kam një pjesë në makinë, do e drejtoj makinën”, tha ajo. “Është shumë qejf”.
Ajo tha se ishte e vështirë të manovrosh mes aktrimit dhe këndimit, por ka qenë një bletë punëtore duke u përkushtuar në mësime përmes platformës “Zoom”, shkruan EOnline.
Bebe Rexha pak javë më parë zbuloi për fansat se do të luajë në filmin “Queenpins”, përkrah aktores Kristen Bell.
Përmes një postimi në rrjetin e saj social,Instagram, Bebe ka publikuar lajmin ku zbulohet ky projekt i ri i saj. “Queenpins” është frymëzuar nga një histori e vërtetë dhe gjithë filmi përqendrohet tek një gruaQu (Bell), së cilës i ka ardhur në majë të hundës që anashkalohet nga bashkëshorti i saj dhe shoqëria. Kështu që ajo përpiqet të marrë përsëri kontrollin e jetës së saj duke filluar një klub të paligjshëm kuponësh dhe përfundon duke mashtruar miliona kompani ushqimore me kolegët e saj. Bebe Rexha do të ketë rolin e një hacker kompjuterash të quajtur Tempe Tina.Pjesë e filmit do të jenë dhe aktorët Kirby Howell-Baptiste, Vince Vaughn dhe Paul Walter Hauser.
