Festimet e “Thanksgiving” në Kanada ishin muajin e kaluar dhe vendi ka parë rritje rekord e rasteve me COVID-19. Tani, udhëheqësit kanadezë thonë se festimet e Krishtlindjeve janë në rrezik. Gjatë festës tradicionale të Thanksgivng të këtij viti u regjistrua një rritje e lartë e rasteve të koronavirusit, shtrimeve në spital dhe vdekjeve. Zyrtarët e shëndetit publik paralajmëruan që sistemi i kujdesit shëndetësor nuk mund të trajtojë një përsëritje edhe në Krishtlindje.

“Reduktimi i kontakteve tuaja, zvogëlimi i mbledhjeve tuaja do të jetë më e rëndësishmja. Dhe ajo që ne do bëjmë në ditët dhe javët e ardhshme do të përcaktojë se çfarë do të bëjmë në Krishtlindje,” tha Kryeministri Justin Trudeau në një konferencë shtypi të Premten. Kontakti i vazhdueshëm dhe mbledhjet e njerëzve kanë qenë një burim kryesor i përhapjes në pothuajse çdo pjesë të Kanadasë, tha Dr. Theresa Tam, zyrtarja kryesore e shëndetit publik në Kanada. Tam paralajmëroi se rastet e reja të përditshme mund të dyshohen në vetëm disa javë nëse kanadezët nuk do të merrnin seriozisht masat paraprake shëndetësore.

Modelimi i ri nga Ontario ishte veçanërisht i kthjellët, me ekspertët shkencorë të provincës që paralajmëruan se numri i rasteve dhe shtrimet në spital mund të arrijnë ose tejkalojnë nivelet e krizës që aktualisht po mundojnë Europën. Kujdesi shëndetësor është përgjegjësi e provincave dhe disa prej tyre, përfshirë Ontario dhe Alberta, hezitojnë të zbatojnë masa më të rrepta, nga frika e dëmtimit të ekonomisë. Sidoqoftë, qindra mjekë nga e gjithë Kanadaja kanë paralajmëruar se vetëm masa më të rrepta dhe mbyllje të synuara do të mbrojnë spitalet e Kanadasë nga katastrofa. (CNN)