Së shpejti Qendra e Studimeve dhe Publikimeve për Arbëreshet do të botojë katër vepra studimore:

“Veprat historiko-filologjike të De Radës”, prof. Jup Kastrati  “Një rrugëtim në komunat arbëreshe”, Papas Antonio Bellusci si dhe “Rrugëtim me kostumet arbëreshe”, dr. Silvana Nini. Në mbledhjen e ditës së sotme të Këshillit Koordinues të QSPA u miratua edhe vepra e fundit e kësaj serie botimesh që do te jetë “Santori poet dramaturg”, monografi nga prof. Klara Kodra.

Gjithashtu në këtë takim u diskutuan dhe u miratuan edhe funksione të ekspertëve/bashkëpunëtorëve me kontratë të përkohshme për botimet e QSPA-së.

Këshilli Koordinator vendosi edhe në lidhje me Kuvendin Diturak “Mbi gjendjen aktuale të studimeve arbëreshe”, i cili ishte vendosur të mbahej më 16-17 shtator e më tej u shty për 25-26 nëntor 2020, për shkak të situatës së pandemisë do të shtyhet sërish, për t’u mbajtur vitin e ardhshëm.