Në ndeshjen vllazërore me Kosovën, tekniku italian Edi Reja aktivizoi për herë të parë Remën Çepelen. Shqiptari 17-vjeçarë i lindur në Itali. Çepele më parë është angazhuar në ekipin e të ri 19-vjeçarëve me Inter dhe Milan në Itali.
Tashmë futbollisti 17-vjeçar, i rritur tek Interi, ka firmosur kontratën e parë si profesionist dhe do të jetë pjesë e Hanoverit për dy vitet e ardhshme. Më parë te ky klub ka lënë gjurmë ish-kapiteni i Kombëtares, Altin Lala.
Çepele është i pari lojtar që luan në moshën 17-vjecare që nga minuta e parë me Kombëtaren e Shqipërisë. “Është një emocion i paparë, është një gjë fantastike, është krenari debutimi me Kombëtaren shqiptare. Është shumë bukur të jesh këtu, të gjithë lojtarët e tjerë më kanë ndihmuar shumë, më kanë qëndruar afër gjithë kohës dhe nuk kam ndjerë vështirësi”, u shpreh Ramën Cepeli në konfererncë për shtyp.
Kalimi në Gjermani pritet t’i shërbejë Çepeles për të rritur nivelin e tij. Ai është shumë i ri në moshë dhe ka nevojë të luajë rregullisht. Ndoshta kjo është arsyeja që mbrojtësi kaloi te Hanoveri. Fillimisht, lojtari kuqezi do të jetë pjesë e ekipit U-19 të Hanoverit.
