Kryeministri francez Jean Castex, në një konferencë për shtyp lidhur me situatën pandemike, dy javë pas bllokimit të vendit njoftoi se masat nuk do të ndryshojnë edhe për dy javë. Castex tha është e pamundur të lirohen disa nga masat siç ishte planifikuar edhe pse kaluan dy javë.
Aktualisht në Francë, një në çdo katër vdekje në Francë është e lidhur me koronavirusin, tha Kryeministri francez.
“Aktualisht në Francë çdo 30 sekonda pranohet një pacient në spital. Numri i personave që udhëtojnë në metro është reduktuar me 55 % në Paris, por duhet të rritet numri i personave që punojnë nga shtëpia. Shtrimet në spital nga COVID-19 tani janë më të larta se kulmi i pandëmisë në muajin prilli. Duhet të theksojmë se evolucioni i rasteve të reja të konfirmuara COVID është ngadalësuar pak gjatë javës së fundit, gjithsesi ne duhet të jemi të matur.Për këtë arsye do të shtyhet edhe me 15 ditë karantina. Ne nuk mund t’i nënshtrohemi presionit të atyre që kërkojnë të lehtësojnë masat e bllokimit. Ne duhet të vazhdojmë të sigurojmë mbështetje masive ekonomike për dyqanet dhe bizneset që janë detyruar të mbyllen” tha Kryeministri francez.
