MTV Europe Music Awards këtë vit u mbajt në formë virtuale për shkak të situatës së krijuar nga pandemia. Këtë vit ceremonia në sallën pa spektatorë u drejtua nga grupi i njohur muzikor “Little Mix”.

Dy këngëtaret me origjin shqiptare, Rita Ora dhe Bebe Rexha ishin ato që shpallën fituesit në kategori të ndryshme të mbrëmjes së veçantë.

Lexo edhe- Zvicër/ Loredana fiton “Best Swis Act” në MTV EMA

Ndër fituesit e tjerë të çmimit “MTV Europe Music Awards” ishin: Lady Gaga e cila u shpall “Artistja më e mirë”, Cardi B e cila e fitoi çmimin “Performanca më e mirë hip-hop”, DJ Khalid e rrëmbeu çmimin “Videoklipi më i mirë”, grupi “Coldplay” dominoi në kategorinë “Best Rock”, Doja Cat e fitoi çmimin “Artistja më e mirë e re”, Karol G u nderua me shpërblimet, “Performanca më e mirë Latine” dhe “Bashkëpunimi më i mirë” për hitin e saj “Tusa”, të cilin e ka realizuar me rep artisten Nicki Minaj, David Guetta u shpall fitues i kategorisë “Performanca më e mirë elektronike” dhe rep artistja me prejardhje kosovare, Loredana, e fitoi çmimin “Performanca më e mirë zvicerane”.

Pjesë të veçantë në këtë ceremoni kishin edhe interpretimet e yjeve të ndryshëm të muzikës. Në mesin e performuesve të ceremonisë “MTV EMA” këtë vit ishin: Alicia Keys, Sam Smith, Doja Cat, Maluma, Little Mix, Zara Larson, Jack Harloë, Madisson Beer, David Guetta dhe të tjerë.