Krahas shteteve evropiane dhe ato ballkanike kanë nisur të marrin masa shtesë anti-COVID teksa është vënë re rritje e ndjeshme e të infekturve me koronavirus.
Pas Kosovës dhe Shqipërisë, dhe Maqedonia e Veriut ka marrë masa shtesë, ku qeveria miratoi disa vendime për parandalimin dhe mbrojtjen nga përhapja e COVID-19.
Një nga vendimet e miratuara është ndalesa për grumbullimin në grupe të më shumë se katër personave në hapësirat publike, për gjatë tërë ditës, dhe jo si ishte deri tani pas orës 21:00.
Hapësirat publike nënkuptojnë parqet, zonat publike ose kudo në hapësirë të hapur dhe në vend.
Ndërsa në Shqipëri prej të mërkurës do të vendoset regjimi i levizjes me orar ku nga ora 22.00 e mbrëmjes deri në orën 06.00 të mëngjesit do të ndalohet lëvizja.