Ramiz Brahimaj është shqiptari i radhës që do të ndërtojë karrierën e tij profesionale në UFC. Familja e 27 vjeçarit ka migruar në Shtetet e Bashkuara të Amerikës dhe Ramizi është shqiptaro-amerikan i gjeneratës së parë.

Kur ishte fëmijë trajnohej për boks, kickboks dhe karate. Ndërsa gjatë shkollës së mesme filloi trajnimin në mundje dhe jiu-jitsu. Ai ka bërë debutimin e tij në UFC, edhe pse humbi në ndeshjen e parë. Ylli shqiptar u përball me luftëtarin e arteve marciale Max Griffin.

Amerikani me një goditje me bërryl i dëmtoi veshin Brahimajt dhe gjyqtari u detyrua ta ndërpres takimin.

Gjithsesi Brahimaj tani është mirë dhe ka lajmëruar me një mesazh për të gjithë tifozët e tij.

Ai fillimisht ka thënë duke qeshur se ka një copë veshi më pak, por edhe e ka uruar kundërshtarin për fitoren. “Përshëndetje të gjithëve! Jam mirë, por me një plagë veshi të hequr”, ka shkruar ai duke qeshur fillimisht.

“Në një shkrim serioz, urimet për kundërshtarin tim zhvilluan një luftë të shkëlqyeshme dhe jam vërtet i lumtur që ndaja kafazin me të dhe më së miri për të. Do të shërohem dhe do të kthehem në rrugën e duhur. Nga shpirti vlerësoj të gjithë mbështetjen që kam marrë nga e gjithë bota. Shumë dashuri për të gjithë, shihemi së shpejti”, ka shkruar Brahimaj.