Një tjetër klasë e gjuhës shqipe në Iraklio të Kretës ka nisur mësimin më 1 nëntor.
Mësimi i gjuhës shqipe dhe i kulturës shqiptare ndihmon brezat e rinjë të rritur në një shtet tjetër të mësojnë dhe të kultivojnë gjuhën shqipe.
Për shkak të kushteve të shkaktuara nga pandemia, mësimi do të zhvillohet online, duke krijuar kështu mundësi edhe për fëmijët që banojnë në qytete të tjera, larg Iraklios që të bëhen pjesë e mësimin të gjuhës shqipe. Klasës iu bashkuan edhe fëmijë të tjerë nga Korinthi, Samo, Gjermania.
Mësimi do të zhvillohet nga mësueset Jerida Kulla dhe Klarita Selmani me librat e dërguara falas nga Qendra e Botimeve për Diasporën.
