Mihane Sadiku prej vitesh jeton në Turqi, në zonën bregdetare të Bodrumit. Prej vitit 2004 ka investuar duke blerë disa prona në këtë zonë dhe e thotë me bindje se ka qenë investimi i duhur, sepse fama e kësaj zone turistike është gjithnjë në rritje. Shqiptarja Mihane Sadiku do të jetë pjesë e konferencës “Global Women Conference 2020” në Dubai, e cila zhvillohet sot në mënyrë virtuale për shkak të pandemisë Covid-19.
Ju jetoni në Turqi prej vitesh dhe keni zhvilluar biznesin tuaj. Na tregoni pak si dhe kurvendosët të zhvendoseni në Turqi?
Turqia ka qenë vend nëpër të cilin kemi kaluar shumë shpesh, sepse kemi jetuar dhe punuar në Dubai dhe Aghanistan.
Në vitin 2004 kemi vendosur të investojmë, në ato kohë ndërroi ligji dhe u bë e lejueshme që investorët e huaj të kenë prona në Turqi. Me këshillën e një miku turk zgjodhëm Bodrumin. Mund të them se ka qenë një investim mjaft me vlerë, sepse ishim në fillim para se Bodrumi të bëj bujë.
Bodrumi gjithmonë ka qenë i njohur nga elita e Stambollit, por kohët e fundit ka filluar të tërheq vëmendjen e eliltave botërore. Njihet edhe si San Trope i Turqisë. Në vitin 2014 jemi zhvendsur dhe jemi me vendbanim të përhershëm këtu. Me pronat kam fillura të merrem që prej 5 vitesh, kam filluar me hapa të vegjël, sepse ishte fushë e re dhe nuk e njihja mirë. Çdo ditë ka qenë mësim dhe investim në atë që është sot.
Më 31 tetor do jenipjesë e konferencës “Global Women Conference 2020” në Dubai…
Ftesa për pjesëmarrje në “Global women Conference 2020” me erdhë nga organizatori Dr. Musa Shaikh nga “Global Woman Foundation” dhe Berkleyme “Global Holding Berkleyme Middle East Holding”, ne kemi qenë në kontakt me herët duke bisedur lidhur me investime dhe prona. Do të jem në rrethin e femrave të tjera që kanë arritur suksese secila në fushën e tyre dhe do te ndajmë eskperiencat tona. Do të bisedojmë për sfidat vështirësit dhe problemet me të cilat ballafaqohen femrat sot dhe shpresojmë t’u japim shpresë gjeneratave të reja.
Një femër e suksesshme në biznes, sa ju është dashur të arrini deri këtu?
Se pari rruga ime ende nuk ka mbaruar, por sigurisht që fillimi nuk ka qenë i lehtë. Të lëvizësh nga një vend në një vend tjetër dhe të fillosh nga zero, të adaptohesh, të mësosh gjuhë tjetër etj.. Mirëpo të gjitha këto pika që përmenda bëjnë pjesë në suksesin tim. Eksperienca dhe dedikimi maksimal kanë qenë formula per mua. Përkrahja nga familja dhe rrethi i ngushtë kanë rol të rëndësishëm. Sa i përket të qenit femër në biznes, natyrisht që ka pas pengesa, por të them të drejtën nuk ju kam kushtuar shumë rëndësi. Kam mbajt qendrimin tim dhe rrugën time. Për këtë temë do të flas edhe në konferencë. Duhet t’i vihet rëndësi rrugëtimit e jo vetëm suksesit.
A ka femra të tjera shqiptare të suksesshme aty ku ju jetoni?
Po sigurisht që ka, është mikja ime e dashur Selma Kilic e cila ka një biznes shumë të sukseshëm, Naval Marin që merret me dizajn dhe tekstile për jahtae luksoz.
Sa ndikoi pandemia në aktivitetin tuaj duke qenë se bën pjesë në fushën e turizmit?
Në fillim të pandemise ka qenë e pabesueshme të mendosh se puna do ecte këtë vit, mirëpo ka qenë krejt e kundërt. Kerkesa e vilave si për qiradhënie ashtu edhe për blerje kanë qenë marramendëse. Këtë vit ka pasur rritje në shitjen e pronave deri 85% dhe ende nuk ka të ndalur.
