Pas tërmetit të fuqishëm që goditi sot Turqinë perëndimore dhe ishullin Samos në Greqi, ambasadat e Shqipërisë në dy vendet përkatëse kanë reaguar për t’i ardhur në ndihmë të gjithë shqiptarëve që jetojnë në zonat e prekura nga tërmeti.

Ambasada e Shqipërisë në Athinë nëpërmjet një postimi në faqen zyrtare i bën thirrje qytetarëve që gjenden në zonën e prekur nga tërmeti, ishullin Samos të Greqisë, të zhvendosen në një zonë të sigurt dhe ka vendosur në dispozicion numrin e telefonit +30694165 8183 për çdo rast emergjence.

Gjithashtu Ambasada e Shqipërisë në Turqi i ka bërë thirrje shtetasve shqiptarë të gjendur në zonën e goditur të transferohen në një zonë të sigurt.

Ambasada në Turqi njofton se ka vendosur në dispozicion numrin e telefonit +90 549 561 1985 për çdo rast emergjence.