Në vijimësi të punës për përshpejtimin e procesit të pajisjes me mjete identifikimi Ambasada e Republikës së Shqipërisë në Athinë ka njoftuar datën e re të takimeve.

Për të gjithë ata që do të aplikojnë në e-albania për pajisje me pasaportë dhe kartë identiteti të cilat do të kryhen në datat 23-24-25 tetor 2020 do të kenë datë takimi 29 tetor 2020.

Stafi i Ambasadës i lutet qytetarëve të kontrollojnë postën elektronike, në të gjitha rubrikat (sidomos spam/ανεπιθύμητα μηνύματα) pasi mesazhi i takimit së bashku me orarin e paraqitjes dërgohen automatikisht në adresën e e-mailit që keni deklaruar gjatë aplikimit, brenda 24 orëve nga momenti i aplikimit.

Ky njoftim synon t’ju vijë në ndihmë për t’i paraprirë fenomenit të humbjes së datës së takimit, për shkak të mosleximit në kohë të mesazhit elektronik.