Sportistja e njohur shqiptare Kosovare Asllani hyri në historinë e klubit madrilen pasi shënoi golin e parë në ekipin e femrave kundrejt Valencias. “Ka qenë e shkruar që të hyj në historinë e Real Madrid”, tha lojtarja në një deklaratë botuar në “Sport Bladet”. Ajo gjithashtu ka theksuar se ishte një moment shumë i veçantë në karrierën e saj.
Kosovare Asllani po përjeton momente shumë të mira me Real Madridit pasi është golashënuesja më e mirë e skuadrës.
Asllani ka shënuar sërish edhe golin e dytë, madje mund të ishin bërë tre, nëse Asllanit nuk do tí anulohej goli i realizuar ndaj Barcelonës. Kosovare Asllani ishte gati të denonconte golin e saj të anuluar. “Të jesh 1-1 në pjesën e parë, është shumë më ndryshe se sa të jesh 0-1. Ne kemi nevojë për shumë mbështetje në futbollin e femrave.” Skuadra ku luan shqiptarja Kosovare Asllani humbi ndaj Barcelonës në një rezultat dëshpërues 0-4. “Barça është skuadra më e mirë në kampionat. Ata janë më lart, por shpresoj që të mos vonojmë shumë t’i shqetësojmë”, tha Asllani për Sport Bladet.
Shqiptarja Asllani është paraqitur mjaft mirë në ekipin e ri duke u klasifikuar si një ndër futbollistet më të mira. “Me fanellën e këtij klubi ndihem e fuqishme”, tha ajo kohët e fundit në një dokumentar mbi jetën e saj.
Luan me Madridin, por kur ishte fëmijë, Asllani ka pasur gjithmonë pikë referimi Zinedine Zidane dhe, mbi të gjitha, brazilianin Ronaldo, megjithëse ajo rrëfeu se kur pa ‘9’ në fanellën e saj të Real Madridit mendoi për Benzema.
🏃♀️ ¡Seguimos trabajando duro!
💪 The hard work never stops!#RMCity | #HalaMadrid pic.twitter.com/37P3OwEycn— Real Madrid C.F. (@realmadridfem) October 21, 2020
