Ambasada e Republikës së Shqipërisë në Athinë nëpërmjet një postimi në faqen zyrtare në Facebook njofton se të gjitha aplikimet për pasaportë dhe kartë identiteti të kryera deri në datën 12 tetor 2020 kanë marrë data takimi.
Këto data takimi janë përcaktuar jo më larg se data 20 tetor 2020. Nëpërmjet njoftimit Ambasada i bën thirrje shtetasve që kanë aplikuar që të kontrollojnë postën e tyre elektronike.
“Jeni të lutur të kontrolli postën tuaj elektronike pasi pas verifikimit rezulton se vetëm 22% e-maileve të dërguara nga sistemi janë hapur prej aplikantëve. Përveç e-maileve të pranuara në postën tuaj elektronike (inbox), kontrolloni gjithashtu e-mailet të cilat klasifikohen te panjohura ( të cilat vijnë në spam ose junk)”, shkruhet në njoftim.
