Klubet italiane kanë arritur që me mjaft suksese të mbyllin afatin e përzgjedhjes për në serinë A. Tifozët kanë mundur të shohin për më shumë se një muaj se kush u largua e kush u transferua në kampionatin italian.
Nuk munguan as befasitë nga lojtarët shqiptarë që ndryshuan skuadrat dhe në total janë pesë prej tyre që janë bërë këtë sezon me klub të ri.
Amir Rrahmani u largua nga Verona për të kaluar te Napoli për 14 milionë euro, por edhe Marash Kumbulla ndoqi rrugën e tij, por për të kaluar te Roma.
Mërgim Vojvoda bëri një hap të madh në karrierë, pasi kaloi nga Standard Liege te Torino për shumën e 5.5 milionë euro. Vedat Muriqi arriti që të realizonte qëllimin e tij, për të kaluar te Lazio nga Fenerbahce për shumën e 18 milionë euro, që është shitja rekord e klubit turk. Ndërsa Adrian Ismajli kaloi në Serie A, pasi u largua nga Hajduku i Splitit dhe e kompletoi transferimin e Spezia.
Tashmë lojtarët shqiptarë do t’i shikojmë me fanella të reja, por gjithmonë duke bërë krenar vendlindjen e tyre.
