Gazetarja Mimoza Elezi ka zhvilluar një intervistë mjaft interesante me një shqiptar i cili ka lindur, rritur dhe jeton në Turqi, por që gjuhen shqipe e flet në mënyrë perfekte.

Ai ka treguar se si në moshën 13-vjeçare ka marrë rrugën për në Tiranë dhe më pas në Shqipëri dhe ka takuar të afërmit e tij.

Melihu është diplomuar për Juridik dhe ka kryer edhe një praktikë në Kosovë.

Melih Bozaci:

Unë kisha dëshirë që të bëja rezervimin në Tiranë. Pas dy ditësh më ka telefonuar mamaja dhe më tha që pse nuk ke shkuar akoma në Prishtinë, pasi aty kisha kushërinjtë.

Preva biletën dhe shkova në Prishtinë dhe u takova me kushërinjtë.

Sa i përket prejardhjes së prindërve ai shprehet:

Nëna është nga Prishtina dhe ka lindur këtu, ndërsa babai është nga Prizreni dhe familjarë nuk kam mundur që t’i gjej pasi kanë ardhur në Turqi para 120 vitesh.

Gjyshi si e kishte emrin?

Veli e ka emrin, por mbiemrin që ka pas në Shqipëri nuk ja kemi gjetur dot. Ndërsa në Turqi e ka Veli Bozaci. Kur ka qenë në Kosovë ai ka pas shitur bozë dhe kur ka ardhur këtu e kanë pyetur se me çfarë merrej në Kosovë dhe ka treguar që ka pas shitur bozë dhe ja kanë lënë Bozaci.

Pse kishte ardh gjyshi?

Ka ikur prej luftës.

A e flasin shqipen rinia?

Kam disa shokë që e kuptojnë, por nuk e flasin. E dinë disa, por po pakësohen.

Si e ke mësuar shqipen?

Para dy vitesh qeveria u dha mundësinë që të mësonin shqip, por nuk kanë aplikuar të gjithë, nuk e kanë me shumë vullnet.