Aktivisti i çështjes kombëtare në Shtetet e Bashkuara të Amerikës, Ismet Smajli, ka takuar Shefin e Inteligjencës Amerikane, John Ratcliffe.

Smajli i cili është edhe sekretar general i Rrjetit Global të Bizneseve të Diasporës Shqiptare, ka ftuar për drekë Ratcliffe, shkruan Klan Kosova.

Kjo është bërë e ditur përmes një postimi të tij në llogarinë e tij në facebook, momente të cilat i ka shoqëruar edhe me fotografi.

”Sot hëngra drekë me mikun tim në D.C”, shkruan ndër tjera Smajli, për takimin që pati me Ratcliffe.

Për herë të parë ai ishte vizituar në lokalin e tij nga John Ratcliffe, vetëm pak minuta pasi u votua me 49 vota pro nga Senati.

Edhe atë takim Smajli e kishte postuar në “Facebook”.

“Kjo ishte një surprizë e veçantë për mua dhe Edmondin, menjëherë pas votimit. John dhe bashkëshortja Michelle erdhën në lokalin tonë për një përshëndetje të shkurtër. Nuk mund ta përshkruaj gëzimin, nuk ia kisha idenë se ai ishte në shtëpinë e tij këtu afër, dhe më tha se kishte dëshirë që unë të isha njeriu i parë që do të takonte. I thashë se prisja që ai të ishte në Uashington dhe se kjo ishte një surprizë e veçantë. Më falenderoi për miqësinë”, shkruante ai.