Besnik Kelmendi, është një shqiptar i cili prej më shumë se 25 vitesh jeton në Gjermani. Sot është një nga zërat më të dëgjuar në forcën politike më të madhe në Gjermani CDU. Si zyrtar në landin e Rajnës Veriore dhe Vestfalisë (NRW) ai është mjaft aktiv në përfshirjen dhe integrimin e bashkatdhetarëve në këtë vend.
Kelmendi pak ditë më parë konfirmoi se do të kandidojë në zgjedhjet e 13 shtatorit në Essen të Gjermanisë për anëtar këshilli, duke i ftuar të gjithë shqiptarët që jetojnë në Essen që të votojnë për të.
Nëpërmjet një videoje ai ka shpalosur planin e tij.
Besnik Kelmendi shkoi në moshën 12 vjeçare në Gjermani si refugjat me familjen e tij. Ai mësoi shpejt atje gjuhën dhe u integrua në shoqërinë gjermane. Në vitin 2002 e mori edhe shtetësinë gjermane. Kelmendi e filloi karrierën e tij të suksesshme në moshë të re.
Pas mbarimit të shkollës në vitin 1995 filloi kualifikimin profesional si Kaufman për menaxhimit të byros në Dhomën për Industri dhe Tregëti (IHK) në Essen. Pas përfundimit të shkollimit profesional filloi punë në REWE ku e vazhdoi kualifikimin dhe në vitin 1999 ai bëhet udhëheqës i njërës prej filialeve të REWE-së në Essen. Në vitin 2002 ai kaloi në LIDL si udhëheqës i njërës prej filialeve më të mëdha të kësaj firme në Essen. Në këtë kohë ai e vazhdoi specializimin e tij në këtë fushe.
Kelmendi ka studiuar për Menaxhim Administrativ dhe tregti si dhe është licencuar si pedagog pranë Dhomës për Industri dhe Tregti (IHK) në Essen.
Kelmendi është anëtar i kryesisë së CDU-së Essen-Überruhr dhe Ruhrhalbinsel si dhe i kryesisë së CDA-së në Essen, gjithashtu anëtar ndërlidhës i Këshillit të Integrimit në Essen si dhe anëtar i Grupit të punës “Europa dhe integrimi”.
Aktualisht Kelmendi është zyrtar i Qeverisë së landit të Vestfalisë dhe Rajnës Veriore (NRW) Në CDU është i angazhuar në disa fusha “Jam anëtar i kryesisë së CDU-së Essen-Überruhr dhe Ruhrhalbinsel si dhe i kryesisë së CDA-së në Essen, pastaj anëtar ndërlidhës i Këshillit të Integrimit në Essen si dhe anëtar i Grupit të punës “Europa dhe integrimi” tregon ai për “Diaspora Shqiptare”.
