Sipërmarrësi shqiptar me veprimtari në SHBA, Premtim Gjonbalaj, është themeluesi i kompanisë “Butler Hospitality”, me zyra dhe në Kosovë.

Kompania e tij, me qendër në New York sapo ka publikuar lajmin e mbledhjes së një fondi prej $15M, pavarësisht situatës së vështirë të krijuar për industrinë e turizmit dhe shërbimeve.

Kompania dyfishoi ekipin e saj duke çuar numrin e anëtarëve të stafit në 250. Ky është një sukses më vete pasi në të gjithë botën shumë persona po humbasin vendet e tyre të punës për shkak të pandemisë Koronavirus.

Kompania “Butler Hospitality” është një kompani që merr në pronësi një kuzhinë hoteli dhe përgatit ushqim për atë hotel, por edhe për hotelet e tjera në atë zonë apo edhe për persona që e duan shërbimin në shtëpi.

Ai ka ndihmuar para pak kohësh me ushqime falas ekipet në vijën e parë kundër COVID-19.