Mjeku shqiptar që jeton dhe vepron në Angli, Besnik Nurboja i ftuar në RTV Dukagjini ka ka folur në lidhje me situatën që po kalon Britania në këto moment për shkak të CoVid-19.
Nurboja u shpreh:
“Situata vazhdon siç ka qenë më para, deri më tani kemi mbi 9 milion të testuar nga të cilët 300 mijë janë të infektuar dhe janë mbi 44 mijë të vdekur.
Në ditën e fundit janë regjistruar 516 të infektuar dhe 22 të vdekur, ky është numri më i vogël që ka pasur deri më tani”.
Sa i përket masave ai shtoi:
“Hapja ka filluar që me 23 maji, me ruajtjen e distancimit social dhe mbajtjen e maskave në ambiente të mbyllura.
Që prej katër korrikut është bërë edhe hapja e pubeve, lokaleve, restoranteve si dhe berberhanet”.
I pyetur nëse a do të mund të menaxhohej më mirë kjo situatë, doktori tha:
“Rastet në këto moment janë shumë të vogëluar, por kjo hapje që është bërë në këto moment ka për të qenë një sfidë më vete pasi ka për të pasur më shumë lëvizje”.
Por sipas tij vlen të pritet që të shikohet se sa do të respektohen masat.
Ai ka treguar edhe një eksperiencë të tijën gjatë një vizite në pub për të parë se çfarë masash kishin marrë.
Doktori tregon se në hyrje të lokalit të jepnin alkol për duar, dhe në momentin e hyrjes e kishe çdo gjë të vizuar dhe ishte staf tjetër që do të të shërbente.
Në momentin që uleshe në lokal ai tregon se duhet të shkruaje një numër kontakti dhe të shënojne identitetin dhe orarin e hyrjes pasi nëse do të kishte ndonjë rast gjurmimi të ishte më i shpejtë.
