Regjisorja shqiptare Enxhi Rista është velrësuar mbrëmjen e djeshme me çmimin “Gopo” për filmin e saj dokumentar me metrazh të shkurtër “El iubeste ochi mei” (Ai dashuron sytë e mi).

Çmimet “Gopo” përfaqësojnë një event prestigjoz të përvitshëm, përmes të cilit shpërblehen realizimet më të rëndësishme të kinematografisë rumune të vitit paraardhës dhe promovohen vlerat e vërteta të kësaj fushe.

Dokumentari rrëfen jetën e një familje rome midis varfërisë dhe burgosjes së kryefamiljarit.

“Nuk është një histori e jashtëzakonshme në pamje të parë. Një familje e varfër rome, me gjashtë fëmijë dhe një baba të dënuar, të cilët pavarësisht çdo gjëje përpiqen të qëndrojnë të bashkuar. Por ajo çka është për tu vlerësuar është fakti që regjisorja ka rritur të fitojë besimin e tyre dhe të depërtoje brenda mureve të familjes”, shkruajnë mediat rumune për filmin.

Regjisorja Enxhi Rista e linduë në Fier prej vitit 2013 jeton në Rumani. Ajo u vendos fillimisht në Cluj-Napoca dhe brenda një viti arriti të mësojë gjuhën rumune, për të nisur studimet më pas në universitetin e Bukureshtit për Film dhe Regji Televizive. / Diaspora Shqiptare