Agnesa Hasi, nxënësja 15-vjeçare shqiptare fitoi konkursin e 11-të aktivitetit të quajtur “Sag’s Multi!”
Me fjalimin e saj dygjuhësh me temën “Unike – Çdo histori numërohet, ajo u përzgjodh fituese e kategorisë së dytë për moshat 15 dhe 16 vjeç.
Këtë vit ne konkursin kombetar morën pjesë 600 studentë nga e gjithë Austria që u prezantuan në më shumë se 50 gjuhë të ndryshme. Ajo që bën përshtypje në këtë konkurs është fskti se pjesëmarrësit, fjalimin duhet ta prezantonin në dy gjuhë.
Pasi Agnesa kishte prezantuar me sukses fjalimin e parë të konkursit të gjuhës në muajin janar me një fjalim në gjuhën gjermane dhe shqipe me temën “Kush jam unë, kur duhet të jem askush?”, asaj iu desh të shkruante një fjalim tjetër tetë minutësh.
Fjalimi i dytë ishte gati në fillim të Marsit 2020. Agnesa ishte në gjendje të niste provat për në finale me “trajnerin” e saj dhe mësuesin e gjuhës angleze, Andreas Schuster.
Për shkak të pandemisë se Covid-19, prezantimin final Agnesa duhet ta bënte online. Ajo duhet të regjistronte veten dhe materialin ta publikonte në internet.
Këtë vit, fituesit nuk u shpallën në Bashkinë e Vjenës, por në internet përmes një transmetimi të drejtpërdrejtë në “Facebook” dhe “YouTube”, shkruan meinbezirk.at.
“Jam shumë krenar për performancën e studentes time. Agnesa është shumë e talentuar dhe jam i lumtur që arrita ta shoqëroja në këtë udhëtim emocionues! ”,- shprehet mësuesi Andreas Schuster.
“Është shumë e rëndësishme për mua të promovoj shumëgjuhësinë e studentëve tanë. Por jo vetëm gjuhët e huaja duhet të promovohen por edhe gjuhët e ndryshme të fëmijëve. Të gjithë jemi shumë të lumtur për Agnesën! -” thotë drejtoresha Mag. Susanne Casanova-Mürkl.
Drejtori Menaxhues i Shoqatës për Biznes për Integrim, Peter Wesely i dorëzoi personalisht çertefikatën Agnesës dhe fituesve të tjerë.
