Shqiptarja Brunilda Çullhaj është pjesë e skuadrës finaliste të konkursit të hapur nga Komuniteti Europian për projektin “Datathon 2020”. Skuadra e Brunilda Çullhaj, “Elaboro”, u përzgjodh ndër 12 projekt-idetë më të mira nga 121 propozime konkurruese. Informaticienia shqiptare mbanë pozicionin e Menaxheres së Projekteve pranë kompanisë Cedacri, në Parma të Italisë.

Ky është edicioni katërt i këtij konkursi që realizohet nga Bashkim Europian, i cili tërheq analistë dhe zhvillues nga e gjithë bota të cilët konkurrojnë për zhvillimin e një aplikacioni që do të përdorë në mënyrë inovative të dhënat e ekzistuese.

Finalistët e përzgjedhur nga 121 pjesëmarrësit në konkurs, do të kenë mundësinë të marrin pjesë në konferencën “Java e Evropës së Rajoneve dhe Qyteteve” që do të mbahet në Bruksel këtë tetor dhe të garojnë edhe për publikimin e aplikacionit të tyre në webfaqen e Komisionit Evropian të OpenData. Portal.

Aplikacioni finalist i Datathon EU ka për qëllim të drejtojë fondet publike evropiane drejt atyre zonave gjeografike ku ndikimet potenciale të dobishme mjedisore mund të jenë më të mëdha.

Pjesëtarë të ekipit janë edhe ekspertë të tjerë italianë, Viola Vittoria Soranzo, Andrea Chiericati, Tomasz Konrad.