Berat Gjimshiti është autori i golit të parë për Atalantan pas rikthimit të Serie A nga ndalesa e koronavirusit.
Skuadra e Atalantes shënoi tre gola vetëm gjatë pjesës së parë këtij kundërshtari, madje të parin e realizoi mbrojtësi kuqezi, Berat Gjimshiti. 27-vjeçari u gjend në vendin dhe kohën duhur në zhvillimet e një këndoreje (16′), i shërbyer me kokë nga Caldara. Për shtatlartin e Shqipërisë ky ishte goli i dytë sezonal në Serinë A, pas atij finalizimi në kohën shtesë, që i dha fitoren Atalantës në muajin dhjetor përballë Veronës.
