Pas Bashkimit Europian edhe Shtetet e Bashkuara të Amerikës i kanë ardhur në ndihmë Shqipërisë për të përballuar situatën e krijuar nga Covid-19.
Në një postim të bërë në rrjete sociale Ambasada Amerikan bën të ditur se qeveria e Shteteve të Bashkuara të Amerikës ka ndihmuar vendin tonë me 3.500 komplete testimi për COVID, të cilat kanë mbërritur në Shqipëri dhe janë dorëzuar në ISHP.
“Këto komplete testimi janë pjesë e kontributit të përgjithshëm Amerikan për të mbështetur reagimin e Shqipërisë ndaj COVID-19”, thuhet ndër të tjera në njoftimin e ambasadës.
Këto komplete testimi do të ndihmojnë në zbulimin e rasteve dhe njëkohësisht në gjurmimin e rasteve te lidhura me to.
