Më 22 qershor do të rinisin fluturimet me Turqinë dhe destinacioni i parë do jetë Stambolli.
Lajmin e ka bërë të ditur kompania ajrore Air Albania përmes një postimi në Facebook.
”Më 22 Qershor rifillojmë fluturimet e rregullta dhe destinacioni i parë: Stambolli!
Të gjitha fluturimet e rregullta do të kryhen duke u bazuar mbi marrëveshjet shtetërore bilaterale për hapjen e kufinjve”, thuhet në njoftim.
Lajmi është konfirmuar edhe nga ambasada turke në Shqipëri, e cila njofton të gjithë udhëtarët se biletat për fluturimet drejt dhe nga Stambolli mund të rezervohen në faqen e Air Albania.