Emilia-Romagna është një ndër rajonet më të prekura në Itali dhe në botë nga pandemia e shkaktuar nga COVID-19, por pavarësisht vështirësive, Diaspora Shqiptare, që jeton në këtë rajon, ka qenë në vijën e parë, duke ndërmarrë nisma të shumta për të mbështetur ata më në nevojë. Znj. Edita Fino, Konsulentja e Programit të Diasporës të IOM Albania për rajonin Emilia-Romagnas tregon se si po i përgjigjet Diaspora Shqiptare kësaj krize:
“Humbja e njerëzve të dashur është një ndër shqetësimet që rëndojnë gjendjen emocionale të popullatës. Jeta ekonomike dhe sociale e vendit është pezulluar prej disa muajsh dhe shumë njerëz po përballen me vështirësi financiare dhe ndihen të pasigurt me të ardhmen e tyre.
Veçanërisht të goditur janë sektorët e turizmit, kulturës, artit, bujqësisë, biznesit të vogël dhe të mesëm. Komuniteti shqiptar i cili është i angazhuar në këto sektorë po mbart një barrê veçanërisht të rëndë. Karantinën e gjatë po e vuajnë shumë edhe studentët shqiptarë të cilët punojnë e studiojnë larg familjeve të tyre. E megjithë vështirësitë, iniciativa të shumta solidariteti u shfaqën në ndihmë të atyre më tepët në nevojë.
Shoqatat shqiptare në rajon po ndihmojnë në shpërndarje ushqimi dhe ndihmash. Ekspertët si infirmirët, mjekët dhe psikologët shqiptarë që janë në vijën e parë kundër COVID-19 janë sot më të organizuar se kurrë. Linja komunikimi online po rrisin shpërndarjen e informacionit në ndihmë të komunikimit dhe diasporës. Ndërsa jemi akoma larg nga gjendja e vaksinës aftësia e mjekëve për të përballuar situatën varet shumë nga gjeste të tilla përkujdesje ndaj vetes dhe të tjerëve duke e bërë këtë përgjigjen më të mirë që kemi msaj krizës”.
Burimi origjinal, këtu:
