Pas një pune relativisht të gjatë kërkimore katër vjeçare për rolin, rëndësinë, shkaqet e emigrimit dhe organizimin kulturore dhe atdhetar të mërgatës shqiptare në Gjermani, autori Argjend Hasani, nxori në dritë botimin  voluminoz me titull “MËRGATA SHQIPTARE NË GJERMANI”, (Pjesa e Parë), botues Lena Grafik në Prishtinë.

Në këtë botim voluminoz mbi 300 faqesh, autori dhe publicisti Argjend Hasani, ka prezantuar punën dhe aktivitetet e mërgatës shqiptare në Gjermani në një interval kohor 50 vjeçar.

Libri përmban tetë kapituj, që nga fillimet e para që quan në migrimin e bashkatdhetarëve tanë jashtë atdheut, organizimeve kulturore dhe atdhetare, arsimore, artit dhe letërsisë, humanizmit, afarizmit dhe integrimit në Republikën Federale të Gjermanisë.

Autori Argjend Hasani, gjatë grumbullimit të të dhënave për botim, ka bashkëpunuar me shumë personalitete të shquara atdhetare që jetojnë dhe veprojnë në Gjermani, veprimtarë, shkrimtarë, arsimtarë, krijues, artistë, etj, si dhe me shoqata të shumta kulturore që mbajnë gjallë frymën atdhetare në mërgim. / Albinfo.ch