Këngëtarja e njohur shqiptare, Bebe Rexha ka treguar së fundmi se nëse ka diçka që veçon më shumë nga vendi i saj i origjinës, është kuzhina. Gjatë periudhës së karantinës Bebe Rexha jo vetëm ka gatuar por ka ndarë me ndjekësit e saj çdo pjatë që ka realizuar, ku dominonin gatimet shqiptare.

Në një video të përgatitur enkas për revistën prestigjioze ‘’British Vogue’’, Bebe Rexha shihet në disa nga ambientet e shtëpisë, ndërkohë që tregon objekte të cilat i konsideron të dashura dhe me një kuptim nga pas. E shoqëruar nga vëllai dhe qenushi i saj me emrin Bear, këngëtarja shqiptare ndalet gjithashtu në kuzhinë, për të gatuar fasule dhe sallatë.

”Këto nuk janë kohra normale, por nuk mund ta lejojmë veten të biem në një grop të errët. Besoj se duhet ta shohim situatën ndryshe. Duhet të jemi mirënjohës për faktin që kemi patur mundësinë për të dalë jashtë dhe takuar miqtë. Nuk arrij dot ta besoj se si e kam marrë këtë gjë për të mirëqenë. Kjo është një kohë kur mund të tregohemi të dhimbsur ndaj vetes dhe t’i themi se çdo gjë është në rregull, edhe aty kur duket se nuk është’’, shprehet Bebe Rexha.