Rudina Jasini tregon nga eksperienca e saj si avokate dhe shpreson të ndihmojë të rinjtë shqiptare që studiojnë ose janë duke studiuar në fushën e drejtësisë.
Jasini pjesë e ekipit të avokatëve që mbrojtën çështjen “Haradinaj” në Hagë shprehet se të rinjtë duhet të gjejnë thirrjen e tyre të brendshme por kjo nuk është e thjeshtë në shumicën e rasteve.
Sipas saj për të arritur potencialin e brendshëm duhet t’ia kalosh komunitetit që të rrethon si vlerë atë çfarë ke arritur.
“Unë nuk besoj shumë në çelësa suksesi por besoj në një punë shumë të fortë të udhëhequr nga kurioziteti, intuita dhe një përkushtim i jashtëzakonshëm për të arritur diçka. Vetëm atëherë kur ti mendon më shumë për vlerën sesa suksesin, arrin të kuptosh pse ndodhen në atë pozicion ku je. Kjo është një busull shumë e rëndësishme për çdo person për atë çfarë ai dëshiron të bëjë me jetën e tij. Për studentët në fushën e drejtësisë doja të thoja mos u inspironi shumë nga ideja për t’u bërë si avokat brenda një ushtrie të tërë avokatësh, por inspirohu nga ajo që synon ti të ndryshosh në fushën e drejtësisë dhe nga ajo që ti synon të sjellësh”, shprehet Rudina.
Avokatja shqiptare e përcakton profesionin e saj si një përkushtim që nuk mjafton me vitet e shkollës dhe duhet nisur nga një këndvështrim më i lartë se ajo e një profesioni.
Burimi origjinal, këtu:
